NEDERLANDO: mil kanaloj, dig' ĉe digo, dekmil ŝipoj, kelkaj dunoj, plataj valoj, muelejoj kaj tulipoj. Nederlando: lukt' al maro por la tero, lukt' por celoj tre utilaj al homaro kaj pro vortoj cent kvereloj. Nederlando: altaj homoj, ord', libero, scisopiro, en la poŝo dek diplomoj, eĉ atest' pri l' spiropreno. Nederlando: homa vivo, rid' infana, pens' matura, revteksado kun naivo kaj obstina fid' kultura. Nederlando: homa koro. Ĝi batadas ne por bati, sed por helpi en laboro, senti, ami kaj kompati. Nederlando, por okuloj la ekstera ĉarmo gravas, sed la koron de l' fremduloj nur korbato via ravas. |