Quintus Horatius Flaccus
AL CHLOE

Fuĝas min vi, Chloe', kiel kapreolid',
Kiu serĉas en tim' tra la abrupta mont'
La patrinon kaj tremas
Eĉ pro l' trafoliara blov'.

Ĉar se tra l' foliar' de l' moviĝema branĉ'
Flirtas milda zefir' kaj se arbuston nur
Movas verda lacerto:
Tremas kore, genue ĝi.

Sed ja, kiel leon', tigro kruela, ne
Persekutas mi por rompi sovaĝe vin.
Do, forlasu la panjon,
Viron sekvu, matura jam.