V

El gramofon' sinkopis, disonancis
Kaj plandojn tiklis la ĵazbanda bru'.
"Ni dancu!" Dancis ni kun granda ĝu',
La lulajn koksojn rave vi balancis.

Miksiĝis spir' al spiro dum ni dancis,
Kaj mi premiĝis en ardanta glu'
Al viaj sorĉaj pelvo kaj genu'.
Ebriis mi. La Bub' eĉ plie prancis.

Mi sentis, ke sur via brust' sin levis
Du dolĉaj pintoj kun ekscita ŝvel',
Kaj mia pranca ŝvelo praskaŭ krevis.

La koro batis en freneza pel'.
Mi amis jam, kaj ĝin sigeli devis:
Sur la kalsono restis la sigel'.