|
Vian multinsulan maron vidi neniam al mi eblis, ho Hellad', sed min trabrilis via blua-verda imag',
kaj dum al mi kant' Homera pri l' multvoja greko fabelis,min luladis via vaste aventura arkipelag'.
Min revigis olearboj, temploj kun kolonar' marmora,kaj marmorstatuoj viaj kun junula korpomagi,
ekkoninte viajn mitojn, pense-sente-reve mi grekis,min fascine al vi tiris ia naiva nostalgi'.
Nun mi, olda, volus ree aperigi vin fabelante,kaj mi faros tion, strange, per la persa robaja vers'.
Se pro tio Miltiades, Themistokles eble kolerus,ja aplaŭdus Aleksandros pri l' parigo de grek' kaj pers.
|