Nekompleta listo de vortoj uzataj de Kolomano Kalocsay. Granda parto de la vortoj jam fariĝis oficialaj, sed ne ĉiam kun la sama senco aŭ formo, kiel ĉi tie ni listigas ilin.
| abnorma | malnormala |
| absolvi | pardoni kaj nuligi la pekojn de iu |
| acerba | adstringa-gusta, kiel nematura frukto; kritikhumora, pesimisme pika, morda |
| adaĝa | komforteme malrapida |
| adheri | alteniĝi, esti algluita al |
| adoleska | vir(in)iĝanta |
| adolta | maturaĝa |
| adversa | kontraŭbatalanta, kontraŭaga |
| afina | kemie aŭ anime parenca, altirata |
| agapo | komunia festeno, amfesteno |
| agitprop' | mallongigo por agitadopropagando |
| aglomeri | kunamasigi |
| agresi | iniciati militon |
| akumuli | amasigi, kunigi |
| akvilono | norda vento, malagrabla |
| alensono | franca punto |
| alieni | aliproprigi, translasi en fremdan posedon |
| alimento | vivrimeda pensio |
| altano | artelarita ebena teraso, superanta la ĉirkaŭaĵon |
| altruismo | malegoismo |
| altruista | malegoista |
| amara | maldolĉa |
| ambigua | dubsenca, dubiga, dunatura |
| ambla | balanca irmaniero de mamuloj, ambli: specialmaniere iri (ĉevaloj) |
| ambono | ĥorpupitro |
| ambulatorio | Promenejo en teatro aŭ juĝejo; konsultejo por irpovaj malsanuloj |
| amen | fina aprobo de preĝo, signifo: vere, certe |
| ampolo | elektra pirforma lampo |
| anakoreto | dezerta ermito |
| analoj | jarkroniko |
| anĉaro | hindia planto (Antiaris toxicaria), kies venena suko estis uzita por sagoj |
| anfrakto | neregulforma kavaĵo |
| anglikano | ano de la oficiala angla eklezio |
| angori | senti korpremegon |
| anti- | kontraŭ- |
| antro | kavernego |
| antropofago | kanibalo |
| aperti | malfermi |
| aperturo | truo, malplena loko en materialo |
| apokalipso | terura mondofino |
| apreci | kompetente taksi artvaloron |
| arbedo | arbeto disbranciĝanta tuj de la bazo |
| arbusto | arbeto kun ligna trunkmalsupro kaj herba trunksupro |
| argivoj | loĝantoj de Argoso; ankaŭ grekoj de antikva Helenujo |
| arkano | misterajo, sekretaĵo |
| arkebuzo | speco de malnova pafilo |
| arkeo | la barko de Noah |
| aromato | aromaĵo |
| ascendi | supreniri |
| asidua | konstante apudestanta; ĉiam servopreta |
| aspra | raspsurfaca |
| aŝoko | hindia arbusto kun belaj floroj, sankta por budhanoj |
| aŭdaca | riskemega, trokuraĝa; aŭdaci: kuraĝegi, maltimegi, riskemegi |
| aŭguri | antaŭdiri |
| aŭreolo | lumkrono de sanktuloj |
| aŭroro | tagiĝo, matenkrepusko |
| aŭstera | frostkonduta, morrigora |
| aŭtoktona | paloĝanta |
| avanci | antaŭenmoviĝi; rangaltiĝi |
| avantaĝo | plia utilo, plioportuno |
| ba! | senzorgeco |
| baĉeloro | junulo |
| bagno | punlaborejo |
| baj, baj! | endormigo |
| bas! | malvivuo, malbis |
| basa | malalta |
| baŭmi | stariĝi sur postaj piedoj, obstinstariĝi (ekz. ĉevalo) |
| bavi | ŝaŭme salivi |
| beata | feliĉa (prec. en religia senco), ĝuanta la dian feliĉon |
| bebo | infaneto |
| begino | flandra monaĥino, ne farinta voton |
| bei | ŝafbleki |
| beja | flava (pp ĉevalo) |
| belfrido | gvata kaj alarma urbturo |
| benigna | bonkaraktera, senmalica; nedanĝera (pp malsano) |
| bereto | lana platĉapo |
| bestiala | sovaĝinstinkta, krude bestaĉa |
| bestio | sovaĝbesto |
| bikino | mallarĝa mamzono kaj eteta kalsoneto, por la sun- aŭ marbanoj |
| bisako | dupoŝa sako de kolportisto aŭ almozulo |
| bisso | konkbarbo, aŭ konksilko, tufo el plimalpli delikataj fadenoj sekreciataj de la konko (byssos) |
| bistro | nigrebruna farbo |
| bizara | strangefekta, malharmonie originala |
| bizo | malvarma nordvento |
| blago | ŝerca mistifiko |
| blazo | aerveziketo |
| bobeli | naski grandnombre blazojn pro bolado aŭ kirlado |
| bohema | fantazie vivanta en gaje portata mizero |
| bolto | kunfiksilo |
| bostono | dancospeco |
| botono | florburĝono |
| bovlo | larĝa fajenca aŭ porcelana taso |
| brankardo | portilo de malsanuloj aŭ vunditoj |
| brasi | bierfari |
| bremso | maŝinhaltigilo, maŝinmalrapidigilo |
| briĝo | kartludo |
| bruska | kruda, ofende abrupta, malĝentila |
| brutala | beste kruda |
| bugri | anuskoiti |
| bukceno | spirala konko, uzita kiel trumpeto |
| bukolika | rilata al paŝtistoj |
| bunta | multkolora, varikolora |
| burgo | fortika kastelo aŭ urbeto |
| burso | tornistreto, saketo ĉe l' zono; ĝi signas ankaŭ la valetojn de l' oka rondo (it. bolgia) |
| cenotafo | memoriga funebra monumento |
| censo | popolnombrado |
| centurio | centopo da homoj |
| cesto | antikva boksganto |
| cezaro | nomo de romana diktatoro; imperiestro |
| cezuro | versofino, divido de longa verso je du versoj |
| cico | karesa nomo de mampinto |
| cipo | kvazaŭrompita duonkolono, starigita kiel memorilo |
| cirklo | rondolinio |
| cirkonspekta | malriskema |
| cis | maltrans |
| citato | citaĵo |
| ĉampiono | venkinto en sportokonkurso |
| ĉardaŝo | hungara nacia danco |
| ĉardo | stepa aŭ kampara drinkejo |
| ĉarumo | unurada puŝveturileto |
| ĉipa | malmultekosta |
| ĉirpi | muziki kiel grilo aŭ tre junaj birdidoj |
| ĉit! | silentiga krio |
| ĉizojo | dubranĉa tondilo por tranôi ŝtofon, paperon ktp |
| ĉuro | spermo |
| daimo | japana nobelo |
| damni | kondamni je infero, malbenegi |
| damo | sinjorino |
| daŭbo | kurbigita tabulo, el kiaj konsistas la barelo |
| debila | sane malforta |
| defii | instigi por ke oni superu obstaklon |
| defraŭdi | ŝteli ion ofice konfiditan |
| degni | bonvoli fari ion al malaltranguloj, el nura afableco, tamen superecon sentigante |
| dekado | jardeko |
| dekalogo | dekleĝaro de Moseo |
| delekti | tre plezurigi |
| delico | delikata, intensa plezuro |
| demimondo | societo de elegantaj prostituitinoj |
| deporti | forigi eskorte al difinita loko kun malpermeso ĝin forlasi |
| deprimi | animpremi |
| derviŝo | mahometana pastro |
| desaponti | seniluziigi |
| descendi | malsupreniĝi |
| devanci | atinginte lasi post si, antaŭiĝi |
| devii | devojiĝi (ire aŭ kondute) |
| devori | manĝegi |
| diliĝenco | malnova publika veturilo |
| disdegni | malŝati, malrespekti |
| disipi | facilanime malŝpari |
| dista | distanca, malproksima |
| distorso | artiktordo |
| diurno | daŭro de 24 horoj |
| dizerti | transfuĝi el armeo |
| dojno | (rumana) popola kanto |
| dokta | klerega, sciplena |
| dolmeno | ŝtontabulo starigita de prahomoj |
| dora | rilata al arkitektura modo de doroj |
| dramaturgo | dramverkisto |
| drasta | fortege efikanta |
| drivi | esti portata de fluo |
| drogmano | interpretisto |
| drola | komika pro strangeco; strange gajiga |
| duno | apudmara sablaĵo |
| dupo | trompeblulo, mistifikeblulo |
| dura | malmola |
| easto | oriento, kiel geografia direkto |
| ebo | malfluso |
| egardi | montri estimon, konsideron al |
| eh! | mistaksa interrompo |
| ej! | milda malaprobo |
| ek! | ekirigo |
| ekscentra | strangkaraktera, originale sintenanta |
| ekskuzi | senkulpigi |
| ekzalti | animi iun kun ekstrema intenseco kaj ekscito |
| ekzekvi | vendi aŭkcie ies havaĵon por la bono de kreditoroj |
| elano | antaŭensvingiĝo |
| elito | kremo, elektita parto de aro |
| emerĝi | maldroni, eliĝi |
| enorma | supermezure granda |
| ensemblo | kunludantaro en teatraĵo |
| envulti | malsanigi aŭ mortigi per magiaj procedoj |
| eparkio | distrikto regata de episkopo |
| erekti | disetendi kaj rigidigi |
| erota | erotika |
| erudi | plejfunde kaj detale instrui (iun) |
| erupti | erupcii |
| eseo | mallonga senpretenda studo pri moroj, literaturo ktp |
| eskapi | sin forsavi, sin tiri de kaptiteco, ligiteco |
| eskudo | monero |
| eskvizita | bongustega; rave delikatega |
| esplanado | placo antaŭ fortikaĵo |
| estiel | identiga ,,kiel" |
| etoso | spirita atmosfero de medio, pejzaĝo ktp |
| evento | difinita, sufiĉe grava okazaĵo |
| fajna | distinginda pro la kvalito aŭ pureco de sia substanco |
| falto | haŭtsulko |
| falva | tre hele flava, senkolora (pp bestoj) |
| fantasmo | timiga viziaĵo |
| fantasta | fantaziega |
| fatamorgano | optika fenomeno sur varmegaj stepoj, montranta malproksimajn objektojn renversitaj en la aero |
| fato | neevitebla sorto |
| feder(aci)i | alianciĝi |
| fatraso | aĉaĵaro |
| febla | malforta |
| fekunda | fruktodona |
| femina | karakterizata per la ecoj de virino |
| fermaturo | muzika peco, finanta koncerton |
| feroca | sovaĝimpeta |
| feto | embrio post la 3-a enutera monato |
| fetoro | malbonega odoro |
| fiki | sekskuniĝi |
| fikti | arbitre imagi, elpensi artan kreaĵon |
| filandro | subtila fadeno ŝvebanta en aero dum malfrua somero |
| finto | skerma, sporta, luda ruzaĵo |
| firmamento | ĉielarkaĵo |
| firsto | tegmento-supro; ĝi signas la cirklajn rondmurojn, kiuj dividas la bursojn de la oka rondo en infero (it. argine) |
| flako | senprofunda, pluvmarĉeto |
| fluso | tajd-alfluo |
| fokstroto | danco en modo ĉ. 1920 |
| fola | iom freneza |
| forci | truddevigi |
| fortreso | fortikaĵo |
| fortuno | feliĉa hazardo |
| fotelo | brakseĝo |
| fragila | rompiĝema |
| fraŭdi | trompoŝteli, misuzante konfidon |
| frida | malvarma |
| friska | malvarmeta |
| friŝtiko | frumanĝo |
| froko | robo de monaĥo |
| frondo | branĉo kun folioj |
| fu! | laciĝo |
| fuĝi | sin forŝteli forkure |
| futuro | estonteco |
| gadmeso | artefarita kaco |
| gaki | anserbleki |
| galaksio | lakta vojo |
| galiono | malnova hispana transportŝipo |
| gallo | loĝanto de antikva Francio (Gallio) |
| gambo | tuto de malsupra membro de homo |
| gapi | senpense rigardi kun malfermita buŝo, rigardegi absorbiĝinte |
| gaskoni | diri vantajn blufaĵojn |
| gazono | herbobedo, herbokovro |
| geheno | loko de sufero en la infero |
| gejŝo | eleganta plezurdonantino, en japanujo |
| gelo | frosto |
| gemuta | estiganta agrablan senton de hejmeco, senĝeneco, kamaradeco |
| genro | seksa karakternomo; specaro |
| geŝo | japana kantistino-dancistino |
| getao | japana lignoŝuo |
| gildo | asocio de mezepokaj laboristoj, komercistoj |
| gimnasto | gimnastikisto |
| giri | ronde turniĝi |
| glaŭka | bluverda |
| globuso | terglobo |
| glugli | (onomatopeo) brui kiel dum elfluo el botelo |
| gracila | tromaldika |
| graki | korvobleki |
| gralo | la sankta kristakaliko |
| grego | ŝafaro, brutaro |
| grunti | porkobleki |
| gulaŝo | bovaĵo pecetigita, rostita kaj poste supigita |
| guno | juna bovino |
| gvati | kaŝobservi, ŝtelatendi; deĵore observi |
| gverilo | surprizmilito |
| ĝartero | ŝtrumpligilo |
| ĝenio | bona, ŝirmanta spirito |
| ĝigolo | pagata amoristo |
| haĉi | ombrostreki |
| hajduko | hungara infanteriano |
| halukso | pieda dikfingro |
| hanapo | mezepoka kaliko |
| hanti | fantomi (spektro, penso) |
| hasti | urĝiĝi, nerve rapidi |
| haŭli | tiri al si per ŝnurego ŝipon ktp |
| he! | alvoko |
| hedonismo | plezuremo kiel vivprincipo |
| heĝiro | mahometana erao, komenciĝanta de la dato, kiam Mahometo fuĝis el Mekao |
| hej! | pli forta alvoko; ĝojkrio |
| heksagramo | sespinta formo, ekz. stelo (magia) |
| helmo | konusforma kasko, kovranta kapon kaj vizaĝon |
| hemisfero | (ter-)duonglobo |
| heni | ĉevalbleki |
| hida | ege naŭza, forpuŝe monstra |
| hisi | suprentiri per ŝnuro (velon, flagon) |
| hoj! | marista elvoko |
| hojli | tirboji |
| hola! | saluta alvoko, ĝojo |
| homogena | havanta en ĉiuj; partoj la saman konsiston |
| hop! | krio antaŭ salto |
| hordo | senorda trupo, fibando |
| horori | esti terurita |
| hororo | teruriĝo, harstariga teruro |
| hozana | Psalma refreno ("savu nin!") |
| hu! | ŝerca miro |
| huj! | subita doloro; forta ekscitiĝo |
| hulo | mara ondomovo ne estigita de vento |
| humida | malseka, abundakva |
| hupo | har-, plumtufo; staranta kvasto |
| hurli | bleki sovaĝbeste |
| hurti | albatiĝi al, puŝtuŝegi, karamboli kun... |
| husumo | japana ŝovebla vando |
| huŝ! | forpelo (al birdoj) |
| huŝi | fortimigi per ,,huŝ" |
| ĥitono | antikva tuniko |
| iksodo | sangsuĉa artikulo |
| imensa | (latina) nemezurebla, eksterordinare granda |
| impeta | arda, viva, forta, intensa (movo) |
| incendio | (dom)brulego |
| incesto | sangadulto |
| infra | malsupra |
| infuzorio | unuĉelo vivanta en malfreŝa akvo |
| inĝenia | spiritlerta, eltrovema |
| inkubo | terursonĝo, sonĝopremo |
| insinui | lerte sugesti, subinspiri, milde enŝovi (ideon) |
| insolenta | arogante, ofende malrespekta |
| integrala | integra |
| intermezo | interakta amuzaĵo; intertempa amuzo |
| intumeski | ekŝveli |
| investituro | festo de enoficigo de mezepoka vazlo |
| invoki | citi por senkulpigo |
| iriti | brulumetigi, inflametigi, plidolorigi |
| iriza | ĉielarke nuancita, kolorita |
| irizi | nuanci per ĉielarkaj koloroj |
| jaĥto | plezurŝipo |
| jambo | versero konsistanta el du silaboj, la unua estas mallonga aŭ senakcenta, la dua longa aŭ akcenta |
| janiĉaro | turka soldato |
| jarloj | svedaj nobeloj (komparu: angla ,,earl") |
| jelpi | plorboji |
| jodli | kanti laŭ tirola modo |
| jonio | hinda nomo de la virina vulvo, konsiderata kiel sanktaĵo |
| jubeo | antaŭĥoreja balkono |
| jubili | ĝojkrii |
| ĵaluzio | latkurieno |
| ĵonko | ĉina barkego |
| ĵuĵuo | ornamaĵeto, ludileto |
| kaco | homa peniso |
| kaduco | kaduceo, vergo kun flugiloj kaj du serpentoj, simbolo de komerco; fasko de vergoj kun speguleto kaj ĉirkaŭvolvanta serpento, simbolo de kuracado |
| kalamo | kaneto, uzata por skribi |
| kalumeto | indiana pipo |
| kampanjo | organizita agado por difinita celo |
| kaneli | sulkornami |
| kantelo | liuto, kreita de Väinemöinen |
| kantileno | lirika kanto; orelflata melodio |
| kanzono | kantata poemo |
| kapriolo | saltado kampromaniere |
| kaputa | rompita, neuzebliĝinta |
| karavelo | malnova hispana velŝipo |
| kardino | pordhoko |
| kariatido | statuo de virino, kolone portanta arkitravon |
| karmanjolo | franca revolucia kanzono kaj danco |
| karneolo | gemo ruĝeta |
| karnikaro | hindia planto |
| kaskado | akvofalo |
| kaŝmiro | hinduje fabrikata lanŝtofo |
| kazako | speco de kampara jako |
| kazo | difinita aparta okazo (oficiale nur gramatika kazo) |
| kazuo | konscienca dubo |
| kejlo | kojnoforma najlo por kunfiksi; por ŝtopi truon; nenecesa vorto en verso, uzata mallerte pro ritmo aŭ rimo |
| kimbro | cimbro, iama ĝermana gento |
| kiosko | orientmoda pavilono |
| kiromancio | mandiveno |
| klabo | batalbastono |
| klami | plurvoĉe krii |
| klavikordo | speco de klavinstrumento uzita antaŭ la fortepiano |
| klifo | bordkrutaĵo |
| klostro | monak(in)ejo |
| klozeto | necesejo |
| knaki | kraketigi sub la dentoj |
| knali | eksplodbrui, kiel pistolpafo |
| knuto | rusa skurĝo |
| koagli | malfluidiĝi, kazeiĝi |
| koheri | kunteniĝi, kunkroĉiĝi; interrilati, interkonformiĝi |
| koiti | sekskuniĝi |
| kojono | testiko |
| koktajlo | improvizita brandmiksaĵo |
| koktelo | brandmiksaĵo |
| koliero | kolringo |
| koment(ari)i | aldoni opinion pri evento |
| kompano | kunmanĝanto, kunulo, kolego |
| komplico | kunkulpulo, krimhelpinto |
| koncedi | koncesii; ne kontraŭi |
| koncipi | ekgravedi |
| konĉerto | speco de komponaĵo |
| konduktoro | trajna, aŭ trama kondukisto |
| konestablo | mezepoka aŭ renesanca militestro |
| konfesio | religianeco |
| konfeto | karnavalaj paperpecetoj |
| konfronti | kompari, kontraŭmeti du atestojn aŭ akuzitojn |
| konkubi | sekse kunvivi, kunkuŝi |
| konstelacio | grupo de steloj |
| kontempli | longe kaj medite rigardi |
| konvento | nacia kunveno dum la franca revolucio; framasonanacia kunveno |
| konversi | konversacii |
| kopuli | sekskuniĝi |
| koŝmaro | inkubsonĝo |
| kotorno | tre altplanda ŝuo de antikvaj grekaj aktoroj |
| krabli | iri kiel multpiedaj bestoj kaj insektoj |
| kredenci | pormeti (trinkaĵon) |
| krepiti | kraketadi, kraketsusuri |
| kriĉi | akcipitre krii |
| krino | longa ĉevalharo sur kolo kaj vosto |
| kripo | manĝujo por bestoj |
| kroki | rapide pentri aŭ desegni la ĉefajn partojn de io |
| kulm(in)o | plejsupro |
| kulmo | kulmino |
| kuloto | ĝisgenua pantalono |
| kultivi | kulturi (proprasence) |
| kumeno | turka gento (hungare: kun), kunfandiĝinta kun la Hungararo |
| kuracao | likvoro el oranĝoŝelo |
| kurgano | tumulo (ŝtonamaso super tombo) de antikvaj gentoj, precipe en Orient-Eŭropo |
| kurio | senata domo |
| kurta | mallonga |
| kutelo | pormanĝa tranĉilo |
| kuto | vilaĝa jupo |
| kvadrigo | kvarĉevala ĉaro |
| kvaki | ranobleki |
| kvartiro | loĝejo por tramarŝantaj soldatoj |
| kvesti | kolekti almozojn por monaĥejo aŭ bonfaraj celoj |
| kviki | pepegadi |
| labila | (latina) malstabila |
| lanĉi | ekirigi por elprovi sukceson; ĵeti |
| langvoro | malstreĉiĝo de korpaj kaj animaj fortoj |
| lanta | malrapida |
| lasciva | voluptema, avida je amorĝuoj |
| latrino | publika necesejo |
| latrono | ŝtelistego |
| lazareto | kvarantenejo |
| lazarono | Neapola almozulo |
| leĝera | malpeza; delikata |
| lekto | kuŝejo uzata de la romianoj dum manĝo |
| lezi | difekti, vundi, malsanigi |
| libertulo | liberigita sklavo ĉe romanoj (PIV: libertino) |
| libido | seksimpulso |
| licenco | poezia permeso, licaĵo |
| lici | esti permesata |
| lido | germana (popola) lirikaĵo, kanzono |
| liki | translasi fluidaĵon (pp vazo ktp.) |
| lila | siringoviola |
| limbo | restejo de nebaptitaj infananimoj kaj antaŭkristaj justuloj, laŭ la katolika kredo |
| linda | okulplaĉa pro ia neordinara delikateco aŭ viveco; beleta |
| lingamo | hinda nomo de la homa peniso, konsiderata kiel sanktaĵo |
| lontana | malproksima |
| loza | malstrikta, malstreĉita |
| lucida | klarvida, posedanta la ĝustan uzon de sia racio |
| luko | lumaperturo de tegmentoj aŭ plafonoj |
| mago | antikva pastro persa; magiisto |
| magra | malgrasa |
| majonezo | ovolea saŭco |
| majoritato | nacia plimulto |
| majusklo | grandlitero |
| makuro | japana kapapogilo el ligno aŭ porcelano |
| maligna | malica, danĝera (pp: malsano) |
| mandragoro | arbo kun grandaj kaj larĝaj folioj |
| manekeno | kvazaŭhomo, provopupo |
| mango | karnoriĉa ekzotika frukto |
| marketri | fari lignomozaikon |
| marmito | bolpoto, manĝilara kaldrono |
| marono | nobla, manĝebla kaŝtano |
| maroto | "amata ĉevaleto" |
| marsejlezo | la franca himno nacia |
| masakri | amasbuĉi |
| maskula | karakterizata per la ecoj de virulo |
| matutino | parto de la diservo kantata antaŭla sesa |
| mava | malbona |
| mecenato | riĉa apoganto de scienco kaj arto |
| megero | nomo de mitologia furio; kverelema virinaĉo |
| meki | kaprobleki |
| mentala | rilata al menso |
| merdo | fekaĵo |
| meretrico | prostituitino |
| mergi | meti en fluidaĵon, enprofundigi |
| mesaĝo | kurierletero, sendita sciigo |
| mestizo | ido de diversrasaj gepatroj |
| midzi | kacosuĉi |
| miksta | miksita el diversaj rasoj, specoj, seksoj |
| mimo | mimikisto |
| minca | maldika |
| minoritato | nacia malplimulto |
| minstrelo | mezepoka kantisto |
| minusklo | malgrandlitero |
| miraĝo | fatamorgano |
| misalo | meslibro |
| mistifiki | trouzi ies kredemon por lin ridige trompi |
| mitingo | politika popolkunveno |
| mizerikordo | pardona kompato |
| molesti | daŭre ĝeni, malkomfortigi |
| monitoro | speco de militŝipo; lacertoido |
| monotona | unutona |
| monsinjoro | ĝentiltitolo de prelatoj |
| morao | itala fingroludo |
| morbida | mole kaj delikate esprimitaj, pp pentraĵo |
| morbo | malsano |
| morilo | kamenstableto, ferŝtipo |
| morna | malĝoje premata; preme malgajiga, malhela |
| morna | preme malhela, malgaja |
| moroza | malgajhumora |
| moskatelo | muskatvino |
| motociklo | motorbiciklo |
| mucida | ŝimodora |
| mulato | mestizo de blanka kaj nigra gepatroj |
| mungi | nazpurigi |
| nano | nenormale malgranda estaĵo |
| nardo | antikva parfuma substanco; odora radiko de valeriano |
| nargileo | turka akva pipo |
| navig(aci)i | direkti veturilon |
| negi | nei, diri "ne" |
| neglekti | malzorgi, malatenti |
| nekromancio | elvoko de mortintoj |
| neofito | nove konvertito; nove varbito, novulo |
| nervoza | nerve maltrankvila |
| neŭrozo | malsano de psiko |
| nikso | akva feo |
| nirvano | stato de beato, atingebla per la neniigo de la individueco |
| njorna | preme malĝojiga |
| noci | malutili |
| nocio | elementa kono |
| nociva | kapabla malutili |
| noĉo | entranĉaĵo en lignotabulo; radodento |
| nokturno | muzikpeco |
| notico | raporteto, studeto |
| notora | konata de plej multaj (ofte kun aĉa nuanco) |
| novalo | nekulturata, ripozanta plugtero |
| nupto | poezia nomo de geedziĝo |
| oaristo | intima konversacio |
| obĵeti | kontraŭmeti refutan argumenton aŭ malfacilaĵon |
| obscena | sekse malpura |
| obsedi | okupi la animon; trude ekkapti la menson |
| obskura | malluma, ne ebliganta klaran vidon |
| obslaklo | malhelpaĵo |
| obteni | iĝi havanta, elpeti |
| ogro | infanmanĝanta legendulo |
| oj! | bedaŭro |
| olda | maljuna |
| omego | greka litero, en formo de duobla o (ω) |
| omeno | malbona antaŭsigno |
| ondino | akva feino |
| onomatopeo | vortfarado per sonimito |
| opresi | tirane premegi |
| oracio | oratoraĵo |
| orbo | 1. cirkulspaco de planedo, orbito; 2. rondaĵo |
| orgojlo | malhumila fierego |
| oriflamo | franca milita reĝostandardo |
| ornato | rita vesto de pastro |
| ostenti | parade elmeti, vante montradi |
| -oza | malsane abunda, karakterizanta malsanon |
| pado | vojeto por piedirantoj |
| pagano | senreligiulo, ofte: nekristano |
| pakboto | kurierŝipo |
| pakto | reciproke deviga interkonsento |
| palavro | interkonsilado (ĉe Afrikaj negroj) |
| palinodio | poemo kontraŭdiranta antaŭan alian poemon de la sama aŭtoro |
| pampo | sudamerika stepo |
| parapeto | ŝirmbalustrado, randmureto longe de ponto, kajo, teraso, kornico |
| parcimona | troaparema |
| paseo | pasintaĵo |
| pasiono | la stacioj de la sufero de Kristo |
| paŭsi | trakopii |
| paŭti | per lipoj montri nekontenton |
| peano | himno de antikvaj grekoj |
| pederasto | homo inklina al amoro de junaj knaboj |
| pedikuro | piedzorganto |
| pelelo | angla biero |
| pelmelo | mikskonfuzo |
| penatoj | dioj de l' fajrujo kaj hejmo ĉe la romanoj |
| peplo | vesto de antikvaj grekinoj |
| persvadi | konvinki iun pri io per vortoj |
| petalo | florfolio de korolo |
| piĉo | virina vulvo |
| piero | pontkolonego |
| pietato | respekta sento al mortintoj, relikvoj, tradicioj |
| pigmento | kolora ero en la haŭtĉeloj |
| pigra | maldiligenta, mallaborema, malvigla |
| pikniko | kotizmanĝo en kamparo dum ekskurso |
| pilorio | malhonora kolono |
| pimpa | gaje loga, dezirekscite eleganta (pp: vesto kaj virino) |
| pirueto | kapriola returniĝo |
| pisi | urini |
| pita | malgrand(aĉ)a |
| plejdo | vojaĝkovrilo |
| plektro | skrapilo (pinĉilo) por vibrigi kordojn de iaj muzikiloj |
| plonĝi | sin ĵeti en akvon |
| pluki | deŝire kolekti (florojn) |
| plumpa | malgracia, maldelikata, maleleganta |
| pocio | kuraca trinkaĵo |
| pojno | manartiko |
| polmo | mankavo, manplato |
| poltrona | malkuraĝa |
| pompono | lana bulkvasto |
| popo | grek-ortodoksa pastro |
| postiljono | rajdanta poŝtveturigisto |
| postiĉo | artefarita tualetakcesoraĵo pp dentoj, haroj ktp |
| poŭpo | ŝipmalantaŭo |
| povra | kompatinda |
| pranci | ribele ekstari sur postaj piedoj |
| pranzi | manĝeti inter la du normalaj manĝoj |
| predi | rabakiri; predo: militakiraĵo, rabakiraĵo |
| predo | militakiraĵo, rabakiro |
| prefaco | antaŭparolo |
| prestidigiti | lerte uzi fingrojn por ŝajnigi miraklon |
| primavero | poezia sinonimo de printempo |
| primico | unuaaĵo kiel oferdono |
| pristaldo | hungara reĝa oficisto mezepoka |
| prizono | malliberejo |
| prodigi | malavarege disdoni |
| prohibi | malpermesi |
| prominenta | elstaranta |
| promoci | promocii |
| prompta | tujaga, rapidfara, fervora |
| pruda | ĉastafekta |
| pruo | ŝipantaŭo |
| pseŭdo | malvera, kaŝ- |
| psilo | serpentdresisto |
| pudoro | sekshontemo |
| pugo | postaĵo, sidvangoj |
| pulio | kavranda rado por glitigo de rimeno aŭ ŝnuro |
| pum! | surpriziĝo |
| puntilio | honorskrupulo |
| putino | prostituitino |
| rafanisto | speco de rafano |
| rafanistro | trudherbo, ofta sur grenkampoj |
| rakedo | pilkreĵetilo |
| rankori | obstine malpardoni, venĝemi |
| rankoro | obstina malpardono, venĝema resento |
| rapsodio | miksita kanto de rapsodo |
| rapsodo | migra kantisto en Helenujo |
| rara | malofta, maldensa |
| ravino | fendegajo, krutaĵo |
| refleksa | responda al ekstera ekscito; nevola, instinkta |
| refreno | interstrofa rekantaĵo en kanzono |
| rekviemo | eklezia preĝa por mortintoj |
| rekviri | oficiale postuli, por milita servo |
| rekvizito | teatra akcesoraĵo |
| relikvo | sanktulaj restaĵoj |
| remizo | senmura ŝirmejo por lignaĵo, kulturiloj, veturiloj kc. |
| repetitoro | lernhelpanto |
| repliki | rebate respondi |
| represalo | venĝa repago |
| reskripto | decido de supera aŭtoritato pri regnaj demandoj |
| resoluta | decidema, firmanima |
| responsi | respondumi pri |
| restrikti | plimalvasligi, malpligrandigi |
| resurekti | reviviĝi |
| retikulo | sinjorina mansaketo |
| retreto | ceda returniro de armeo |
| retro | reen |
| rezidi | kutime restadi, loksidi |
| rigi | provizi ŝipon per necesaj ŝnuroj, pulioj kaj veloj |
| rilegi | forigi (el urbo, lernejo) kun revenmalpermeso |
| rimorso | konsciencriproĉo |
| riporti | raporti en ĵurnalo |
| riposti | skerme rebati |
| riveli | revelacii |
| rojo | eta rivereto |
| ronroni | karesmurmuri (pp kato) |
| rostbefo | rostita bovaĵo |
| rubekolo | paserforma ruĝgorĝa birdeto |
| rufa | ruĝe flava |
| ruk! (horuk!) | alvoko al kuna subita fortostreĉo |
| rukuli | kveri (kiel turtoj kaj kolomboj) |
| ruleto | hazardludo |
| rumoro | konfuza voĉbruo de pluraj homoj |
| runo | litero, gravurita skribo de praaj ĝermanoj |
| ruro | kamparo |
| rustika | kamparanmoda |
| ruŝo | tualeta tulkrispo |
| saboti | intence fuŝi |
| sakri | aŭtomate blasfemi, ne intencante ofendi dion |
| sakrilegio | malrespekta ago kontraŭ religiaĵoj |
| salubra | favore efikanta sur la organismo |
| sandviĉo | ŝinkobulko |
| sanitara | rilata al la publika sano |
| sapori | impresi iamaniere la gustosenton |
| saptaparno | hindia planto |
| sarabando | frenezeta danco |
| sarmento | tigo, kreskigita de vito |
| saturniano | partoprenanto de festo de dio Saturno; al tiuj festantoj en la antikva Romo estis ĉia konduto permesita |
| saŭdado | amara ĝuo, kiun oni gustas en la doloro, dolora mildo de la rememoroj kaj bedaŭroj |
| savano | nordamerika stepo |
| sekestri | deponi diskutatan propraĵon en la manojn de krompersono, ĝis estas decidite, al kiu ĝi devas aparteni |
| sekulara | nemonaĥa |
| seneskalo | oficisto juĝanta en la nomo de la reĝo |
| senila | kaŭzita de maljuneco |
| senioro | sinjora moŝto |
| sensitivo | sentema mimozo |
| senso | sentorgano |
| sepulti | enterigi |
| siesto | tagripozo post tagmanĝo |
| signaturo | subskribo de sia nomo, kiel atesto pri akcepto |
| sikario | dungita murdisto |
| sikulo | hungara gento, loĝanta en orienta Transilvanio (Rumanio) |
| silfo | feo |
| simuli | ŝajnigi |
| simultana | samtempa |
| sinekuro | senzorga, senklopoda ofico |
| sinistra, sinstra | malbonaŭgura, misan promesa |
| sinki | malrapide malsupreniri aŭ fali |
| sino | trunkantaŭo de la homa korpo |
| sinui | serpentumi, zigzagiri |
| sinuo | serpentumado, kurbzigzagaro |
| siro | estra, reganta moŝto, reĝa moŝto |
| situi | havi geometrian, aŭ geologian situacion |
| skabelo | piedbenketo |
| skadrono | skadro |
| skafaldo | provizora trabaro, ekz. dum konstruado |
| skandi | laŭtlegi emfazante rimon |
| skato | glitŝuo |
| skoldi | riproĉadmoni |
| skolto | ano de asocio, kiu celas la hardadon de junuloj per individuigaj kaj esplorecaj ekzercoj |
| skorio | feĉo de fanditaj metaloj |
| skroto | testikujo |
| skvaro | publika placo kun ĝardeneto |
| sledo | glitveturilo |
| slojdo | manlerta laboro hejma |
| smalao | araba tendaro |
| smokingo | ceremonia jako |
| snobo | homo, kies precipa zorgo estas ŝajni tre inteligenta kaj kompreni plej modernajn artaĵojn |
| snufi | enspiri ion (ne aeron) en la nazon; brue spiri |
| softa | milde mallaŭta |
| soldo | monero; soldatpago |
| sombra | malluma, malhela |
| sordida | aĉe, naŭze malpura |
| sordino | sonobtuzigilo |
| sozio | vizaĝsimilulo |
| spago | ŝnureto |
| spano | distanco inter la pintoj de dikfingro kaj mezfingro de streĉita mano |
| spektatoro | spektanto |
| spekti | rigardi kaj aŭskulti (en teatro ktp.) |
| spelto | speco de tritiko |
| spili | bortrui (barelon); meti kranon al barelo |
| spineto | speco de malgranda klavikordo |
| spontan(e)a | memvola kaj mempova |
| sproso | verda ĝermo sur branĉo |
| spuro | postsigno |
| srebi | klopodi spirite |
| stabila | firmostara, malŝanĝema |
| stado | stadio |
| stagni | restadi senmova |
| stamino | tre maldika ŝtofo |
| staplo | provizora deponejo, materialejo |
| starti | ekiri |
| statisto | akcesora rolulo en teatro aŭ filmo |
| stentora | tre forta (pp voĉo) |
| sterila | senfrukta, malfekunda; senmikroba |
| steveno | antaŭkila trabaĵo |
| stifa (filo) | nepropra infano por la edzo (aŭ edzino), se propra infano de la alia parul(in)o |
| stigmo | neforviŝebla haŭtmarko (ankaŭ morale) |
| stiko | promenbastono |
| stinki | malbonodori |
| stoko | varkvanto en tenejo |
| stolo | ŝaloforma akcesoraĵo de pastro |
| stompi | ombri desegnon per krajonpolvo kaj rulaĵo el sorbpapero |
| stop! | haltigo |
| stopi | halti (pp maŝino) |
| strangoli | gorĝpreme mortigi |
| straso | senvalora imito de diamanto, oro ktp.; falsbrilaĵo |
| strebi | priklopodi |
| streta | mallarĝa |
| stridi | akre siblegi |
| strikta | malvasta |
| stringi | ĉirkaŭpremi, ĉirkaŭstreĉi |
| stulo | fekseĝo |
| stumbli | faleti, falpuŝiĝi |
| stuporo | sensobtuzeco |
| sturmi | kurataki |
| subreto | aktorino ludanta rolon de servistino |
| sukubo | diablino kuŝanta kun viro |
| superba | impone, majeste bela |
| supla | fleksiĝema, facile klinebla |
| suplemento | alpleniĝo, pliaĵo, ekstraĵo |
| suspiri | ĝemspiri, silkbrui |
| susuri | eligi silkecan sonon |
| suvereno | iu kun la plej supera povo de la regno |
| svaga | malpreciza; nebule malcerta |
| svelta | gracitalia |
| ŝagrino | speco de ledo |
| ŝakri | komercaĉi laŭ hazarda aŭ neleĝa maniero |
| ŝakto | mineja vertikala enirejo |
| ŝminko | vizaĝŝmiraĵo |
| ŝoki | ofendi ies senton (precipe pri deco) |
| ŝorbeto | glacia franda trinkaĵo |
| ŝovina | ŝovinisma |
| ŝriki | tranĉe voĉi kiel terurita virino |
| ŝrumpi | kuntiriĝi kaj sulketiĝi pro seko, maljuno ktp. |
| ŝtormo | fortega ventego |
| ŝutro | fenestrokovrilo |
| tajdo | alfluo kaj refluo de l' maro |
| tajli | eltranĉi por doni formon (ekz. al ŝtofo) |
| tajpi | maŝinskribi |
| talaro | longa vestaĵo de juĝisto |
| taluso | laŭvoja teramaso, terbenkego |
| tantaliga | similiganta al Tantalo, ĉar prezentanta turmente neatingeblan regalon |
| tarda | malfrua |
| taŭro | virbovo |
| taŭzi | tirskuante malordigi, mistrakti |
| taverno | drinkejo |
| telepatio | spirita komuniko de sento tra granda interspaco |
| temerara | aŭdace sentima, kuraga |
| tempesto | furioza vetero, ventego |
| tenaca | elaste alteniĝema, malfacile etendebla |
| tenebro | profunda mallumo, malhelo |
| tenera | karesema, varmkore delikata |
| teozofio | doktrino de mistikuloj, kiuj pretendas senpere rilatiĝi kun dio |
| teozofo | teozofiano |
| tepida | malvarmeta, duonvarma |
| tibio | longa rekta blovinstrumento |
| tifono | ciklono |
| tigo | trunketo de floro |
| tiki | nerve kuntiri la muskolojn |
| tirso | bastono ornamita per vitbranĉoj |
| titubi | (latina) ŝanceliĝante paŝi, kiel ebriulo |
| tju! | krio por timigi |
| tobogano | malalta glitveturilo |
| tohu-va-bohuo | (hebrea) konfuza malordego, kaoso |
| tombolo | loterispeco |
| torpori | sensentiĝi (pp membroj) |
| torturi | intence turmentadi por konfesigi iun; turmentegi |
| trajno | vagonaro |
| trampli | terbati per piedo por eksalti aŭ pro kolero |
| trampo | aĉa, ĉifona vagulo |
| tranco | stato de mediumo, kiu, laŭ la spiritisma kredo, cedas sian korpon al senkorpigita animo |
| transversa | tranĉanta orte aŭ oblikve la ĉefan direkton |
| trejni | ekzerci por sporto |
| trepidi | forte skutremi |
| treti | piedpremi |
| triblo | longtiga herbo (Tribulus orientalis) kun dornaj semujoj |
| tribo | grupo de samgentaj homoj |
| trista | malgaja, malĝoja |
| trivi | uzkonsumi |
| trobadoro | trubaduro |
| turbulenta | malpace agitema |
| turbulenta | malpace agitema |
| turpa | aĉe malbela |
| tutelo | zorganteco, kuratoreco |
| uesto | okcidento |
| unikorno | mita besto kun unu korno |
| unio | unuiĝo, de homoj aŭ popoloj |
| unkti | sanktolei |
| uvo | vinbero |
| uzurpatoro | uzurpanto |
| vaka | malplena |
| vasko | granda fontana konko |
| vazistaso | fenestreto por vidi la enirantojn |
| vepro | densa arbareto, dornejo |
| vertiĝo | kapturniĝo |
| vertrago | leporhundo |
| veselo | malnova militŝipo |
| veziro | turka generalo |
| vigli | nokte maldormi |
| vikingo | antikva skandinava heroo |
| vikto | regule ricevita manĝo |
| vilao | somerloĝejo |
| violenta | malmodera, senbrida, perforta; violenti: perforti, seksatenci |
| virulenta | prezentanta maksiman disvolviĝon de mikrobo aŭ viruso |
| visceroj | internaĵoj de korpokavoj (hepato, intestoj, pulmo ktp.) |
| vito | danco de (sankta) Vito, konvulsia malsano |
| vito | vinarbeto; vinberujo |
| volbo | arkforma plafono |
| voluto | spiralornamo |
| vori | formanĝi avide |
| vringi | premtordi |
| zeloto | forvoranto, fanatikulo |
| zepelino | direktebla cigarforma balono |
| zoilo | malica enviema kritikanto |