| Aŭtoro: Sándor Petőfi | traduko de: Kálmán Kalocsay |
El urb' eksteren!El urb' eksteren! vidi la printempon,rigardi la scenejon de l' natur'. Kiu amas la operojn? Tiu povas operon ĉarman aŭdi kun plezur'. Sur la scenejo pompa de l' naturo la primadono estas najtingal'. Nu, kantistinoj, kiu el vi riskus konkure kanti kontraŭ ĉi rival'? Loĝioj estas la arbetoj, kie violoj junaj sidas sur gazon', kaj kiel damoj atentemaj ĝuas la trilan kanton de la primadon'. Kaj ĉio aŭskultadas kaj atentas, kaj ĉio estas nura varma sent', nur rokoj, ĉi maljunaj kritikistoj, kalvadas, froste de indiferent'. |