| Aŭtoro: Sándor Petőfi | traduko de: Kálmán Kalocsay |
La popoloLa unu man' plugil-tenilon,l' alia glavon tenas. Popolo bona, povra jene oferas sangon, ŝvitas pene, dum ĝi la vivon trenas. Kial ĝi verŝas sian ŝviton? Ja, kiom ĝi bezonus da manĝ' kaj vesto por vivteno, la ter' patrina eĉ sen peno per si mem al ĝi donus. Kial ĝi sangofere sturmas en malamikan tajdon? Patrujdefendi — vi insistas. Patruj' sen rajto ne ekzistas, popol' ne havas rajton! |