| Aŭtoro: Sándor Petőfi | traduko de: Kálmán Kalocsay |
Ribelis muĝe maro...Ribelis muĝe maro,la maro de l' popol'! Timiĝas ter', ĉielo pro la terura ŝvelo de ĝia ŝaŭma bol'. Ĉu ĉi muzik', ĉi danco vin frapas per konfuz'? Jen la ĝis nun senscia nun povas lerni, kia estas popol-amuz'. La mar' skuiĝas, hurlas, kaj kun fendita rip' kaj kun ŝirita velo, senmaste, al infero subdronas ŝip' post ŝip'. Furiozu, ho diluvo, furiozu en liber', montru profundajn subojn kaj ĵetu sur la nubojn la ŝaŭmon de koler'! Surskribu por eterna atesto kaj instru': supre la ŝip' situas, la akvo sube fluas, sed estras ja la flu'! |