| Aŭtoro: Sándor Petőfi | traduko de: Kálmán Kalocsay |
Se viro, estu viro...Se viro, estu viro,ne marionetaĉ', kiun la sort' puŝadas kaprice laŭ la plaĉ'. La sort' estas timema hund', ĝi nur bojadas, sed forkuras de la kuraĝul'. Persistu do sen ced'! Se viro, estu viro, ne buŝe, per deklar': ol ĉiuj Demostenoj pli elokventas far'! Konstruu aŭ detruu, kaj ĉit, se vi pretas jam, kiel post faro de l' labor' la ŝtorm' kvietas jam. Se viro, estu viro kun vira principar', eĉ sangokoste pledu por ĝi en firma star'! Centoble pli la vivon ol vin mem koncedu for, pereu do la vivo mem, sed restu la honor'! Se viro, estu viro, kaj via sendepend' por riĉ' de l' granda mondo ne estu aĵ' de vend'! Vin naŭzu, kiu vendas sin por grasa manĝopec': almozbaston' kaj sendepend', jen la deviz' laŭ dec'! Se viro, estu viro kun firma brav' kaj fort' kaj kredu, ne facile vin nocos hom' kaj sort'. Kverk' estu, kiun povas ŝtorm' elŝiri kun radik', sed la majestan trunkon ne hontigi per kurbig'! |