Projekti (*):
Një dialog ndërkulturor dhe shumëgjuhësor me anë të gjuhës neutrale, ndërmjet shkollave evropiane

Qëllimi i projektit është krijimi i lidhjeve ortakërore ndërmjet shkollave të vendeve të ndryshme evropiane ku mësohet gjuha neutrale Esperanto. Kjo përdoret nëpërmjet komunikimit në largësi dhe gjatë takimeve evropiane të programuara (nga dy çdo vit në dy vende), sepse ajo është një urë gjuhësore lidhëse dhe siguron për të gjithë pjesëmarrësit gjasa të barabarta për komunikim, respekt dhe ruajtjen e shumëgjuhësosë në Evropë dhe në botë. Shkollat e interesuara deri tani për këtë projekt janë nga këto kombe: Portugalia, Polonia, Franca, Hungaria, Lituania, Bullgaria, Gjermania, Spanja, Italia dhe Britania (sigurisht që projekti është i hapur për të gjitha shkollat që dëshirojnë të përfshihen në të). Ato ecin drejt njohjes të ndërsjellë dhe shkëmbimit kulturor, të cilat duke respektuar trashëgiminë kulturore dhe traditat e vendeve pjesëmarrëse evropiane të ndryshme, do të nxisin njohjen e ndërsjellë dhe nxënien e gjuhëve kombëtare të këtyre vendeve duke përdorur si gjuhë- urë gjuhën neutrale Esperanto. Shumë nisma janë realizuar duke tërhequr mësues dhe nxënës që do marrin pjesë së bashku me organizatat e tjera dhe do shpien përpara tema dhe ide të përbashkëta. Bashkëpunimi do bazohet në shkëmbimin e informatave për trashëgiminë historike dhe kulturore dhe rajoneve dhe vendeve të ndryshme me anë të përvojës në fushën e teknologjive të informacionit dhe mësimdhënies të gjuhëve të huaja dhe duke studjuar idenë për ardhmëninë dhe të tashmen e qytetarisë evropiane të brezave të rinj.

Realizimi i këtij projekti, nëpërmjet njohjes së kulturave dhe traditave të vendeve të tjera evropiane dhe krijimit të lidhjeve miqësore me studentët dhe mësuesit që banojnë atje, do japë ndihmesë në shkatërrimin e pengesave të komunikimit ndërmjet bashkësive të gjuhëve të ndryshme duke vënë para tyre të njëjtat sfida. Për realizimin e projektit, ne përdorim gjuhën neutrale Esperanto- tashmë shumë të njohur, ndonëse ende jo zyrtare në BE.

Përdorimi i të njëjtës gjuhë, jo amëtare për të gjithë vendet pjesëmarrës, ndonëse që jepet mësim në ato vende, do krijojë ndjenjën e barazisë dhe të drejtave të barabarta që nga ajo më bazë: e drejta e fjalës dhe e komunikimit të ideve vetiake dhe në gjuhën amtare dhe në atë neutrale dhe do të inkurajojë evropianët e rinj të vetëdijësohen që tendosja e komnikimit për dikë që shkon të takojë një tjetër është një shenjë e pranimit dhe e respektit për ndryshimësinë, pra simbol i tolerancës.

Qëllimet e projektit

Përmbjatja dhe veprimtaritë

• Mbledhja e gjërave me anë të të cilave të ilustrohet trashëgimia historike dhe kulturore e vendeve evropiane pjesëmarrëse.
• Përgatitja dhe ngritja e ekspozitave dhe fotoalbumeve me temë "Vendi im".
• Realizimi i lidhjeve rrjetore ndërmjet ortakëve.
• Konkurs për "Unë jetoj në Evropë: qytetaria ime evropiane".
• Një konkurs letrar me temë "Miku im i largët/ Mikja ime e largët" me një ekspozitë në shkollat përkatëse me punime të gjithë të rinjëve evropianë që marrin pjesë.
• Takime ne vidokonferenca ndërmjet evropianëve të rinj dhe realizim i faqes së përbashkët në internet për dokumentimin dhe ndarjen e përvojës.
• Formimi në çdo shkollë i grupeve të punës të studentëve, mësuesve dhe prindëve për një dialog ndërkulturor, për vetëinformim ndërgjuhësor dhe ndërkulturor.